نفسى ارجع انسانه هاديه بقلب ابيض وعقل صافى انسانه عايشه وبتعيش فى سلام
اتخيلك ؛؛
خرونج / كنج كونج / دا انا أراجوز متربى فى سيرك / مش عيل كاورك
ده كلام اغنيه
اغنيه كلها واحد بيشتم في نفسه يا اما بينفي عن نفسه وصف
بجد مش متخيله وصل بينا الانحطاط لللهبل اللى بيتقال ده لا والغريب
ان مش اى حد اللى كاتب للاستااذ (نادر ابوالليف) الاغنيه ده المؤلف
الكبير المعرووووف *ايمن بهجت قمر * بجد خسارة والف خسارة
الغريب ان بجد صوته حلو بس ضيع نفسه انا مش هاقدر اقول ان دى
اغنيه ده اسفاف والله اه اه دماغى بجد محتاجه شريط اسبرين دى
مش اغنيه ده انحطاط وسفه بس يارب يجيب نتيجه
.jpg)
توهه
كل اللي محتاجاه بجد..ان حد ينتشلني من كل ده ويوديني مكان هادي اعرف اتنفس فيه! انا حتى النفس مش عارفة اخده بجد! مكان بعيد عن كل تفكير وقلة نوم والخوف والهموم والمشاكل والسكوت ، مكان بعيد عن كل اختبارات الصبر والقوة والتماسك اللي كل يوم بقيت قسم عليا! مكان فيه اعرف انام ..اعرف افكر ..اعرف اشوف الحاجات فيها بألوانها الطبيعية.. مكان ارجع لي فيه! ارجع ليا.. اعرف افرح واعرف افكر واعرف اخد قراراتي..واعرف اشوف من تاني! مكان يوريني النور والضي في اخر الطريق، لأن العتمة بتاكل في روحي دلوقتي! مكان محدش ح يقولي فيه اني شكلي مجهد واني مالي اليومين دول !! مكان ح اعيد فيه ترتيب كل الاوراق...ح ارجع اتعلم ازاي اعرف انام اول ما حط دماغي ع المخدة! مكان ح اشد فيه الفيشة واشوف لون الهدوء ايه! عايزة اشوف السما.... البراح! عايزة اشحن طاقتي من تاني عشان اقدر ارجع اقوى... واستنى! مكان ابقى ليا فيه..مكان محدش فيه بيعتمد على قوتي وتفكيري ووجودي لاني مش لقياها ولا لقياني دلوقتي!عايزة اعرف اركز تاني..مش التوهان اللي بقيت فيه! عايزة اطلع برة العتمة! عايزة اضحك! عايزاني!أنا بجد مش بأهرب.. بس تعبت... انا بجد نسيتني قبل كدة كنت ازاي.. قبل نوبة العياط المفاجئ، والأرق، والاجهاد، والاكتئاب، والخوف، والسكوت، والضلمة ..قبل الدوامات اللي عمالة تدخل في بعضها دي! ا
أنا بجد كنت بفرح ازاي ؟؟
أكتب مشكلتك..
